Breaking the Mould : Reimagining India's Economic Future ( Tamil )

Breaking the Mould : Reimagining India's Economic Future ( Tamil )

Author : Raghuram Rajan and Rohit Lamba (Author) PSV Kumarasamy (Translator)

In stock
Rs. 599.00
Classification
Pub Date 15th January 2024
Imprint Manjul Publishing House
Page Extent 376
Binding Paperback
Language Tamil
ISBN 9789355437679
In stock
Rs. 599.00
(inclusive all taxes)
OR
About the Book

இந்தியா இன்று ஒரு நாற்சந்தியில் நின்று கொண்டிருக்கிறது. அதன் வளர்ச்சி விகிதம், நம்முடைய இளைய தலைமுறையினரின் வேலைவாய்ப்புத் தேவைகளுக்குத் தீனிபோட முடியாத அளவுக்கு மிகக் குறைவாக இருக்கிறது. உலகளாவிய தேவைகளை ஈடு செய்வதற்கு, வளர்ந்து வரும் நாடுகளுக்கு இடையே நிலவும் கடுமையான போட்டி, அந்நிய நிறுவனங்களின் ஆதிக்கத்திற்கு எதிராக உள்நாட்டுத் தொழிற்துறையைப் பாதுகாப்பதற்கு உலக நாடுகள் காட்டும் தீவிரம், தொடர்ந்து அதிகரித்து வருகின்ற தன்னியக்கமாக்கம் போன்றவை சூழ்நிலையை மேலும் கடினமாக்குகின்றன. மக்களைப் பிளவுபடுத்தும் பெரும்பான்மைவாதம், எரியும் நெருப்பில் எண்ணெய் ஊற்றிக் கொண்டிருக்கிறது.
முதலில் வேளாண்மை; அடுத்து, குறைந்த திறன் தேவைப்படுகின்ற உற்பத்திசார் வேலைகள்; அதையடுத்து, உயர்ந்த திறன் தேவைப்படுகின்ற உற்பத்திசார் வேலைகள்; இறுதியாக, சேவைத் துறை. பாரம்பரியமாக, தொழிலாளர்களின் வேலைப் பெயர்ச்சி இப்படித்தான் நடைபெற்று வந்திருந்தது. ஆனால், நெடுங்காலத்திற்கு முன்பே, இந்த நிலையான வளர்ச்சிப் பாதையிலிருந்து இந்தியா விலகி வந்துவிட்டது. இனியும் சாத்தியமில்லாத வளர்ச்சிப் பாதைகளுக்குத் திரும்பிச் செல்ல முயற்சிப்பதற்குப் பதிலாக, ஒரு தனித்துவமான இந்தியப் பாதையில் நாம் அடியெடுத்து வைக்க வேண்டும்.
நம்முடைய மக்களின் மனித மூலதனத்தில் முதலீடு செய்வதன் மூலமும், உயர்ந்த திறன்களை உள்ளடக்கிய சேவைகளிலும் புதுமையான புதிய பொருட்களை மையமாகக் கொண்ட உற்பத்தியிலும் வாய்ப்புகளை விரிவுபடுத்துவதன் மூலமும் பொருளாதார வளர்ச்சியை எவ்வாறு நம்மால் துரிதப்படுத்த முடியும் என்பதை இந்நூலின் ஆசிரியர்கள் இதில் விளக்குகின்றனர். இந்தியாவின் ஜனநாயக மரபுகள் இப்பாதையை ஆதரிக்கும். மேலும், நம்முடைய ஜனநாயக அமைப்புகளை வலிமைப்படுத்துதல், அதிகாரப் பரவலாக்கத்தை அதிகரித்தல் ஆகியவை உள்ளிட்ட ஆட்சிச் சீர்திருத்தங்கள் இதற்குப் பெரிதும் உதவும்.
கடந்தகாலத்தின் தளைகளைத் தகர்த்தெறிந்து எதிர்காலத்தின் சாத்தியக்கூறுகள்மீது கவனம் செலுத்தும்படி, இந்நூலாசிரியர்கள், இந்தியாவுக்கு அறைகூவல் விடுக்கின்றனர்.

About the Author(s)

ரகுராம் ஜி. ராஜன், உலகப் புகழ்பெற்ற ஒரு பொருளாதார வல்லுநர். தற்போது, சிகாகோ பல்கலைக்கழகத்தின் பூத் வணிகப் பள்ளியில் அவர் ஒரு சிறப்புப் பேராசிரியராகப் பணியாற்றிக் கொண்டிருக்கிறார். இதற்கு முன்பு, இந்திய ரிசர்வ் வங்கியின் ஆளுநராகவும் சர்வதேச நாணய நிதியத்தின் முதன்மைப் பொருளாதார வல்லுநராகவும் அவர் பணியாற்றினார். விற்பனையில் பெரும் சாதனைகளைப் படைத்துள்ள பல நூல்களை அவர் எழுதியுள்ளார். பரவலாக மேற்கோள் காட்டப்படுகின்ற அவருடைய ஆய்வுகள், பொருளாதார வளர்ச்சியின் அடிப்படைகள்மீது கவனம் செலுத்துகின்றன. அவர் பெற்றுள்ள பல விருதுகளில், ஃபிஷ்ஷர் பிளாக் பிரைஸ் விருது, நிதிப் பொருளாதாரத்திற்கான டாய்ச் வங்கி பரிசு ஆகியவையும் அடங்கும்.
ரோகித் லாம்பா, பென்சில்வேனியா மாநிலப் பல்கலைக்கழகத்தின் பொருளாதாரத் துறையில் ஓர் உதவிப் பேராசிரியராகவும், அபுதாபி நியூயார்க் பல்கலைக்கழகத்தின் பொருளாதாரத் துறையில் வருகைதரு உதவிப் பேராசிரியராகவும் பணியாற்றிக் கொண்டிருக்கிறார். பிரின்ஸ்டன் பல்கலைக்கழகத்திலிருந்து பொருளாதாரத்தில் ஒரு முனைவர் பட்டம் பெற்றவர் அவர். கேம்பிரிட்ஜ் பல்கலைக்கழகத்தில் ஓர் ஆய்வாளராகவும் அவர் செயல்பட்டிருந்தார். முன்னணி கல்வி இதழ்களிலும் செய்தித்தாள்களிலும் அவர் தொடர்ந்து தன்னுடைய கட்டுரைகளைப் பிரசுரித்து வருகிறார். இந்திய அரசின் முதன்மைப் பொருளாதார ஆலோசகரின் அலுவலகத்தில் அவர் ஒரு பொருளாதார வல்லுநராகவும் பணியாற்றியுள்ளார்.

[profiler]
Memory usage: real: 20971520, emalloc: 18478600
Code ProfilerTimeCntEmallocRealMem