The Happiest man on Earth: The Beautiful Life of an Auschwitz Survivor ( Malayalam)

The Happiest man on Earth: The Beautiful Life of an Auschwitz Survivor ( Malayalam)

Author : Eddie Jaku (Author) Arun T. Vijayan (Translator)

In stock
Rs. 299.00
Classification Non Fiction
Pub Date Sep 2022
Imprint Manjul Publishing House
Page Extent 166
Binding Paperback
Language Malayalam
ISBN 9789391242893
In stock
Rs. 299.00
(inclusive all taxes)
OR
About the Book

പുസ്തകത്തെക്കുറിച്ച്

2020 ജൂലൈയില്‍ പ്രസിദ്ധീകരിച്ച ഈ പുസ്തകം നാസികളുടെ കോണ്‍സന്‍ട്രേഷന്‍ ക്യാമ്പുകളെ അതിജീവിച്ച് നൂറ് വര്‍ഷക്കാലം ജീവിച്ചിരുന്ന ഒരു വ്യക്തിയുടെ സഹനത്തിന്റെയും അതിജീവിനത്തിന്റെയും അനുഭവ സാക്ഷ്യങ്ങളാണ്. ജര്‍മ്മനിയിലെ ലീപ്‌സിഗില്‍ ഒരു ജൂത കുടുംബത്തില്‍ ജനിച്ച എഡ്ഡി ജക്കു എന്ന കൗമാരക്കാരന്റെ ജീവിതം വളരെ വേഗത്തില്‍ മാറിമറിയുന്നത് നമുക്കിതില്‍ വായിച്ചെടുക്കാനാകും. 1938 നവംബര്‍ ഒമ്പതിന് നാസി പട്ടാളത്തിന്റെ ക്രൂര മര്‍ദ്ദനത്തിനിരയായി കോണ്‍സെന്‍ട്രേഷന്‍ ക്യാമ്പുകളില്‍ നിന്ന് കോണ്‍സെന്‍ട്രേഷന്‍ ക്യാമ്പുകളിലേക്ക് കൊണ്ടുപോകുമ്പോഴും എഡ്ഡിയുടെ മനസ്സില്‍ തന്റെ മാതാപിതാക്കള്‍ക്കും സഹോദരിക്കും എന്ത് സംഭവിച്ചുവെന്ന ആശങ്കയായിരുന്നു. പിന്നീടുള്ള ഏഴ് വര്‍ഷം അയാള്‍ ശാരീരികമായും മാനസികമായും ഏറ്റുവാങ്ങിയ പീഡനങ്ങളിലൂടെയും പല ക്യാമ്പുകളിലും കണ്ട കാഴ്ചകളുടെയും വിവരണങ്ങള്‍ വായനക്കാരന് ഇതിലൂടെ ലഭിക്കുന്നു. ഇതിനിടയില്‍ മാതാപിതാക്കളെ നഷ്ടപ്പെടുന്നതും കാണാം. ക്യാമ്പില്‍ നിന്നും പുറത്തിറങ്ങുമ്പോള്‍ എഡ്ഡി തനിക്ക് തിരികെ ലഭിച്ച ജീവിതത്തോടും ഹിറ്റ്‌ലര്‍ കൊലപ്പെടുത്തിയ ആറ് ദശലക്ഷം ജൂതന്മാര്‍ക്കുള്ള ആദരവുമായി ഇനി താന്‍ ചിരിക്കുമെന്ന് തീരുമാനമെടുത്തു.

നൂറ് വയസ്സ് പിന്നിടുമ്പോള്‍ എഡ്ഡി സ്വയം വിളിക്കുന്നത് ലോകത്തിലെ ഏറ്റവും സന്തോഷവാനായ മനുഷ്യന്‍ എന്നാണ്. സഹനശക്തിയും ദയയും കൊണ്ട് സാധ്യമായതില്‍ ഏറ്റവും മനോഹരമായി തന്നെ എങ്ങനെ ജീവിക്കാമെന്ന് എഡ്ഡി ഈ പുസ്തകത്തില്‍ നമുക്ക് കാണിച്ചു തരുന്നു. ജീവിതം നിങ്ങള്‍ മനോഹരമാക്കുകയാണെങ്കില്‍ അത് മനോഹരമായി തീരും. അതെങ്ങനെയെന്ന് ലോകത്തിലെ ഏറ്റവും സന്തോഷവാനായ മനുഷ്യനിലൂടെ എഡ്ഡി നമുക്ക് കാണിച്ചു തരുന്നു.

സൗഹൃവും കുടുംബവും ആരോഗ്യവും നീതിയും സ്‌നേഹവും വെറുപ്പും സാധാരണ വിശ്വാസവുമാണ് എഡ്ഡിയെ വാര്‍ത്തെടുത്തത്. എല്ലാ പ്രായത്തിലും പ്രത്യേകിച്ചും ഇന്നത്തെ ചെറുപ്പക്കാര്‍ക്ക് വായിക്കാനാകുന്ന പുസ്തകമാണ് ലോകത്തിലെ ഏറ്റവും സന്തോഷവാനായ മനുഷ്യന്‍.


About the Author(s)

എഴുത്തുകാരനെക്കുറിച്ച്

1920 ഏപ്രില്‍ 14ന് എബ്രഹാം സോളമന്‍ ജാകുബോവിക്‌സ് എന്ന പേരില്‍ ജര്‍മ്മനിയിലെ ലീപ്‌സിഗില്‍ ഒരു ജൂത കുടുംബത്തില്‍ ജനിച്ചു. ഇസിഡോര്‍ ജാകുബോവിക്‌സ്, ലിന എന്നിവരാണ് മാതാപിതാക്കള്‍. രണ്ടാം ലോകമഹായുദ്ധ കാലത്ത് നാസി സൈന്യത്തിന്റെ പിടിയിലകപ്പെട്ട അദ്ദേഹം നിരവധി കോണ്‍സന്‍ട്രേഷന്‍ ക്യാമ്പുകളില്‍ പീഡനം അനുഭവിച്ചു. പല തവണ രക്ഷപ്പെടാന്‍ ശ്രമിച്ചപ്പോഴും പിടിയിലായി. അതിനിടെ മാതാപിതാക്കള്‍ കൊല്ലപ്പെടുന്നതും എഡ്ഡി കണ്ടു. ഏഴ് വര്‍ഷത്തിന് ശേഷം അതിനെയെല്ലാം അതിജീവിച്ച് പുറത്തുവന്നപ്പോള്‍ ആദ്യം ബെല്‍ജിയത്തിലും പിന്നീട് ഓസ്‌ട്രേലിയയിലുമായി ജീവിതം ഉറപ്പിച്ചു. ഇതിനിടെ ഹെന്നി എന്ന് വിളിക്കപ്പെടുന്ന സഹോദരി ജൊഹാനയെ എഡ്ഡി കണ്ടെത്തി. അവരോടുള്ള ഇഷ്ടംകൊണ്ട് അവര്‍ സ്‌നേഹത്തോടെ വിളിക്കുന്ന എഡ്ഡി എന്ന പേര് സ്വീകരിച്ചു. സിഡ്‌നി ജൂത മ്യൂസിയത്തില്‍ വൊളന്റിയറായി 1992 മുതല്‍ എഡ്ഡി പ്രവര്‍ത്തിച്ചു. 2020 മാര്‍ച്ചില്‍ കോവിഡ് മൂലം അത് അടിച്ചിടുന്നതുവരെയും അദ്ദേഹം ജൂത മ്യൂസിയത്തിന്റെ വൊളന്റിയര്‍ ആയിരുന്നു. 2020 ജൂലൈയില്‍ തന്റെ ഓര്‍മ്മക്കുറിപ്പുകള്‍ അടങ്ങിയ ദ ഹാപ്പിയെസ്റ്റ് മാന്‍ ഓണ്‍ ദ എര്‍ത്ത് എന്ന പുസ്തകം പ്രസിദ്ധീകരിച്ചു. ബെല്‍ജിയത്തില്‍ വച്ച് പരിചയപ്പെട്ട മറ്റൊരു ജൂത അതിജീവിതയായ ഫ്‌ളോറെ മോല്‍ഹോയാണ് അദ്ദേഹത്തിന്റെ ഭാര്യ. മിഖായേല്‍, ആന്ദ്രെ എന്നിവരാണ് ഇവരുടെ മക്കള്‍.

[profiler]
Memory usage: real: 20971520, emalloc: 18502896
Code ProfilerTimeCntEmallocRealMem